تحدث مطرب المهرجانات حمو بيكا، عن علاقته بالمطرب عمر كمال، وأسباب الخلافات بينهما وذلك خلال استضافته برنامج مصر جديدة،عبر شاشة قناة etc.
وقال حمو بيكا، إن هناك علاقة قوية تربطه بالمطرب عمر كمال، مضيفا : «بسبب الخلافات قولت له يا خسارة العيش والملح».
وتابع حمو بيكا،: «عملت مع عمر كمال أغنية وأنا اللي صرفت عليها وبعدين نزل أغنية أخرى خاصة به، ورفض نزول الأغنية الديو، لأنه حسبها من الناحية الخاصة به ليكون في الساحة لوحده».
وأضاف بيكا، :«أنا لو معايا كارنيه النقابة كنت في حته تانية، ومش عارف أغني ولا أمثل بسبب النقابة، وجالي إعلانات كتير مش عارف اعملها ورزقي بيتقطع، ولكن ربنا بيرزقنى».
واستكمل بيكا،: «عمر كمال ممكن يكون معايا على المسرح محدش يشوفه، والناس بتهتف باسم حمو بيكا وعمر كمال واقف جانبي وده يكفيني».
وقال حمو بيكا، إن السبب في كلمات الأغاني التي بها ألفاظ خارجة هي بعض قصص الأفلام التي كانت تعرض في الوقت السابق، لأنه كان يقدمها للجمهور من خلال أغاني المهرجانات.
وتابع بيكا : اللي كنت بشوفه في الأفلام بقوله في الأغاني، وأفلام محمد رمضان هي سبب كلمات الأغاني الخارجة القديمة بتاعتى مثل عبده موته الألماني ودلوقتي خلاص مبقاش يقول الألفاظ دي، لأن الاول حاجة ودلوقتى حاجة.
وأضاف «حمو بيكا» : «ممثلين كبار بيقولوا كلام المفروض ما يتقلش، مثل باسم سمرة، وفيه ممثلين كتير بيقولوا كلام المفروض مايتقلش لان فيه الفاظ خارجة.