11:00 ص
الإثنين 19 يونيو 2023
كتبت منال الجيوشي:
تحدث الفنان مصطفى هريدي عن عودته للفن مرة أخرى مشيرا إلى أن السيناريست أيمن بهجت قمر هو من شجعه على العودة من الأردن
وأضاف هريدي خلال تصريحاته في برنامج المنسي مع الإعلامية إنجي هشام: رجعت للفن ٢٠١٦ وكان بسبب أيمن بهجت قمر وكان بيعمل ليالي الحلمية الجزء السادس وكان شايف إني طولت جدا في سفري للاردن لأني قعدت أربع سنين.
وتابع: كان بيخليني أنزل أعمل كاستينج على أدوار ولكن مكنش بيحصل نصيب فكنت برجع تاني، وفي ليالي الحلمية قالي تعالى واشتغل وارجع لشغلك هتتنسي، فأنا رجعت وعملت ٢٠١٧ عفاريت عدلي علام، ٢٠١٨ مشتغلتش وفي ٢٠١٩ طلعت في إعلان تامر حسني والإعلان ده أثر بشكل كبير جدا لأن عمر وسلمى كان ٢٠٠٧
وتحدث عن اختيار تامر حسني له في أحد الاعلانات قائلا: تامر حسني اتصل بيا واخترني بالتحديد لأني عملت معاه نجاح في الجزء الأول، الناس تأثرت بالإعلان بشكل فوجئت بيه وفي ناس قالولي أنهم عيطوا، والحتة اللي فيها مشاعر دي بتلمس قلبي مع الناس، وده فرحني جدا.