04:12 م
الإثنين 11 سبتمبر 2023
كتبت منال الجيوشي
علقت الإعلامية مروة صبري، على الانتقادات التي تعرضت لها الفنانة داليا شوقي، بسبب أحد مشاهد مسلسل “سفاح الجيزة”
وقالت مروة صبري خلال برنامجها “قعدة ستات”، المذاع على شاشة “القاهرة اليوم”: الناس انتقدتها بشكل يجرح بسبب مشهد، وقعدت تقولها أنتي مشلولة بتتكلمي كده ليه وإيه الريأكشنات دي، في كل عمل يا جماعة في شخص مسؤول عن ريأكشنات الفنان وده غير المخرج، بيقولها تعمل إيه ومتعملش إيه.
وتابعت مروة صبري: قولولها نقد بس بشكل لطيف، متجرحوهاش إنتوا كده بتدبحوها يا جماعة، واحد يقولها هو ده تمثيل، الناس اللي بتمثل بتتعب وبتشقى يا جماعة والمشهد اللي بتشوفوه على الشاشة دقيقة، كإحساس أو تمثيل أو تدريبات على الدور كل ده مش سهل، عشان بجرة قلم أو كيبورد تمحوا ده، وتكتبوا روحي اعتزلي أو ملكيش في التمثيل، ده ميصحش نمحي شغل كامل لمجرد مشهد معجبكمش، متعرفوش ده بيأثر على نفسية الشخص إزاي.
وتعرضت الفنانة داليا شوقي لانتقادات كبيرة عقب عرض الحلقة السادسة من مسلسل “سفاح الجيزة” بعد تعليق عدد من الجمهور على أدائها وجاءت التعليقات: “هي بتعمل كده ليه”، “أوفر أوي” وغيرها