خرج المطرب عمر كمال، ليرد على الانتقادات التي تعرض لها من الجمهور على السوشيال ميديا خلال الساعات الماضية، بعدما قارنوا صوته بعبد الباسط حمودة، خلال غنائهما أغنية “أنا مش عارفني”، وأظهر الأخير قوة صوته في برنامج “الحكاية”، الذي يقدمه الإعلامي عمرو أديب.
وكتب عمر كمال، عبر صفحته بموقع التواصل الاجتماعي “فيسبوك”، منشورا جديدا، يتحدث فيه عن الانتقادات التي واجهها.
وقال عمر كمال: «أنا فاهم وعارف حتتي كويس أوي اللي بغني فيها.. ومفيش مطرب خلقه ربنا بيغني كل ألوان الغنا بنفس التمكن والشطارة، هتلاقيه مؤدي ف حتة، ومطرب شاطر ف حتة.. وربنا خلق أصواتنا ومساحات صوتنا غير بعض خالص».
وأضاف عمر كمال: «بس كل واحد ليه بصمة ولون وطعم وإحساس غير التاني.. فـ أنا مش مطلوب مني أغني لحن مش بتاعي، ومش شبهي، ومش مساحات صوتي، فـ طبيعي هغنيه على استحياء».
وتابع عمر كمال: «وكمان لما يكون صاحبه موجود، وبيغنيه بقاله 20 سنة يوميا؛ أكيد هيقوله أحسن مني 100 مرة فـ كوني قولت حاجة مش بتاعتي وأدائي فيها كان مش كويس، فـ ديه حاجة ما تقللش مني، وأنا قولتها إرضاء للطلب».
واختتم عمر كمال منشوره: ولما صاحبها غناها معايا، أكيد غناها أفضل مني، لأنها بتاعته ومساحته وشكله، فده أمر طبيعي.
يذكر أن عمر كمال وعبد الباسط حمودة، تعاونا في اغنية بعنوان “ضيعنا”، وتم طرحها الأيام الماضية وحققت نجاحاً كبيراً.