12:28 م
الجمعة 18 أغسطس 2023
كتبت شهد القاضي:
تحدثت الفنانة رحاب الجمل، عن تجرتها في فيلم “مستر إكس” الذي يعرض حاليا بالسينمات وتعاونها مع أحمد فهمي وهنا الزاهد.
وقالت رحاب، في تصريحات إذاعية ببرنامح “الراديو بيضحك”: “أحمد فهمي مبيحبش يروح لحتة الإبتذال والإغراء والحاجات اللي بيبقى فيها فجوج شوية، بيحب يعمل حاجات بسيطة وخفيفة فيها ضحك أكتر ما يكون فيها إثارة وإبتذال، والمخرج اشتغل على ده كويس جدا إن ميكونش فيه تركيز غير على الضحك والحالة النفسية للشخصية فده اللي خلانا هربنا من الحتة دي”.
وعن تعاونها مع أحمد فهمي، فتابعت: “الفنان الإنسان وهو من الناس الطيبة جدا، ومحترم جدا وعلاقته بزمايله علاقة فيها حب وإحترام، بيشتغل على الشخصيات كلها وبيفتح لنا شغل وبيضيف ضحك وإفيهات”.
وعن تجربتها مع هنا الزاهد، فأوضحت: “أنا كنت بحبها كممثلة، بس لما اشتغلنا الفيلم ده حبيتها كمان كإنسانة، وهي دمها خفيف وطفلة خالص ونقية وراقية”.
فيلم “مستر إكس” بطولة أحمد فهمي، هنا الزاهد، أوس أوس، بيومي فؤاد، محمد أنور، محمود حافظ، رحاب الجمل، أمير شاهين،إخراج أحمد عبد الوهاب.
وتدور أحداثه حول أحمد فهمي الذي يمتلك شركة يساعد من خلالها الرجال في إنهاء علاقاتهم الزوجية.